Եվրոպական միության նախաձեռնություն
Միջոցառումներ
«Քաղաքների հանդիպում» նախագծի երկրորդ փուլը Հայաստանում
10.05.2017
Հայաստան | Անադոլու Քյուլթյուր
«Աջակցություն Հայաստան-Թուրքիա կարգավորման գործընթացին» ծրագրի շրջանակներում Անադոլու Քյուլթուրը Gallery 25-ի, Բուրսայի Նիլուֆերի քաղաքապետարանի, Գյումրիի քաղաքապետարանի հետ համատեղ իրականացնում է «Քաղաքների հանդիպում» նախագիծը՝ ուղղված Գյումրիի ու Բուրսայի արվեստի, մշակույթի և հասարակական գործիչների, քաղաքապետարանների միջև երկխոսության հաստատմանն ու զարգացմանը:

Որպես ծրագրի առաջին փուլ՝ «Մարդկանց մոլորակ» մշակութային շարժման և Ջագ-Բամբիռի համագործակցությամբ ստեղծված «Կապույտ Գնդակ» ցուցահանդեսն ու համերգը ներկայացվեցին Բուրսայում և Ստամբուլում։

 

Ծրագրի երկրորդ փուլում  Նիլուֆերի քաղաքապետարանի թատերախումբը՝ Էնգին Ալքանի ղեկավարությամբ, գյումրեցի և երևանցի հանդիսատեսին կներկայանա Հակոբ Պարոնյանի «Ատամնաբույժն Արևելյան» երգիծանքով՝ առաջին հայ հեղինակի ստեղծագործությունը, որ բեմադրվել է Թուրքիայում։

 

Դրան զուգահեռ, իրենց երկրներում հայտնի երաժիշտներ՝ Սուրեն Ասատրյանը և Նիդա Աթեշը, կհանդիպեն գյումրեցի և երևանցի ունկնդրին՝ կիսելու տարածաշրջանի հարուստ երաժշտական ժառանգությունը։

 

Ծրագիր՝

Սուրեն Ասատրյանի և Նիդա Աթեշի համերգը

Գյումրի- Մայիսի 10, ժ. 19:00

ԳԵղագիտական ազգային կենտրոն - Աբովյան 216

 

Երևան -Մայիսի 11, 2017 ժ. 19:00

Նորարար փորձառական արվեստի կենտրոն - Փ. Բյուզանդ 1/3

 

«Ատամնաբույժն Արևելյան» թատերական ներկայացում

Գյումրի -Մայիսի 14-ին ժ. 17:00

«Տիրամայր արհեստի դպրոց» հիմնադրամի «Բենիամին և Եիա Էքմեքճիան» դահլիճ- Անի թաղամաս, Չարենցի 6/1

 

Երևան - Մայիսի 16-ին  ժ. 19:00

Հ. Ղափլանյանի անվան դրամատիկական թատրոն - Իսահակյան 28

Օրացույց
Մարտ
2024
ԵՐԿԵՐՔՉՈՐՀՆԳՈՒՐՇԱԲԿԻՐ
Գրականությունը հաղթահարում է սահմանը
Սոցիալական կայքեր