Եվրոպական միության նախաձեռնություն
Միջոցառումներ
Հայաստանից և Թուրքիայից երիտասարդ ձեռներեցները կմասնակցեն քառօրյա ինտենսիվ դասընթացի Անկարայում
01.02.2016
Թուրքիա | Հանրային լրագրության ակումբ, Թուրքիայի տնտեսական քաղաքականության հետազոտությունների հիմնադրամ
Փետրվարի 1-ից–փետրվարի 4-ը Անկարայում տեղի կունենա քառօրյա ինտենսիվ աքսելերացիոն դասընթաց, որին կմասնակցի մագիստրանտների, երիտասարդ շրջանավարտների և սկսնակ ձեռներեցների 12 հոգուց բաղկացած խումբ Հայաստանից և ՏՀՏ ոլորտի 8 երիտասարդ ներկայացուցիչ Թուրքիայից։

Դասընթացի յուրաքանչյուր օրը նվիրված կլինի մեկ առանձին թեմայի, ինչպես օրինակ՝ Գաղափարի մշակում, Բիզնես մոդելի զարգացում, Ներդրողին գաղափարի ներկայացում, սթարթափ գաղափարների մարքեթինգ և այլն: Այն մասնակիցներին հնարավորություն կտա խորացնել իրենց գիտելիքները և ձեռք բերել պրակտիկ հմտություններ՝ տեխնոլոգիաների կիրառմամբ նորարարական գաղափարների ձևավորման և իրականացման հիմնական փուլերի վերաբերյալ:

 

Աքսելերացիոն դասընթացը կվարի Էմին Օկուտանը՝ իր հայաստանյան գործընկեր Նարինե Կոտիկյանի հետ միասին: Դասընթացի անցկացմանը կօժանդակեն «Տեխնոլոգիաներ առանց սահմանների» նախագծի առաջին փուլի մասնակից Evreka (Թուրքիա) թիմի ներկայացուցիչները:

 

«Տեխնոլոգիաներ առանց սահմանների. Երևան-Անկարա» նախագիծը «Տեխնոլոգիաներ առանց սահմանների» առաջին նախագծի (փետրվար-մայիս 2015) տրամաբանական շարունակությունն է, որի շրջանակներում 6 սթարթափ թիմ Հայսատանից և Թուրքիայից Մայքրոսոֆթ ինովացիոն կենտրոնում (Հայաստան) մասնակցեցին աքսելերացիոն դասընթացի: Նախագիծը համաֆինանսավորվել է Հայաստանում ԱՄՆ դեսպանատան և Եվրոպական միության կողմից: 

Օրացույց
Օգոստոս
2022
ԵՐԿԵՐՔՉՈՐՀՆԳՈՒՐՇԱԲԿԻՐ
Գրականությունը հաղթահարում է սահմանը
Սոցիալական կայքեր