Եվրոպական միության նախաձեռնություն
Նորություններ
Ճարտարապետներ և փորձագետներ Թուրքիայից և Հայաստանից այցելեցին Մուշ
13.11.2014
Թուրքիա | Անադոլու Քյուլթյուր, Եվրասիա համագործակցություն հիմնադրամ

Մի խումբ ճարտարապետներ, վերականգնողական աշխատանքների մասնագետներ, պատմաբաններ, ազգագրագետներ և արվեստի պատմաբաններ Հայաստանից և Թուրքիայից՝ Նորվեգական մշակութային ժառանգության ուսումնասիրությունների ինստիտուտի (ՆԻԿՈՒ) ղեկավարի մասնակցությամբ, այցելեցին Մուշի նահանգ և քաղաք Մուշ ուսումնասիրելու հայկական մշակութային ժառանգությունը և գնահատելու հայկական հուշարձանները։

 

Այցի հիմնական նպատակն էր համատեղ ուսումնասիրության ենթարկել հայկական հուշարձանները Թուրքիայի արևելյան հատվածում՝ հանդես գալով առաջարկություններով դրանց հետագա պահպանման և վերականգնման նպատակով։

 

Տասներկու փորձագետներ վեց օր անցկացրեցին Մուշի նահանգում հոկտեմբերի 20-ից 25–ը՝ այցելելով մոտ երկու տասնյակ հայկական հուշարձաններ Մուշում, Մանազկերտում, Վարթոյում, Նորշենում և այլ վայրերում՝ ուսումնասիրելով վանքեր, եկեղեցիներ (այդ թվում մզկիթների վերածված եկեղեցիներ), ամրոցներ, կամուրջներ, շատրվաններ, ջրաղացներ և բաղնիքներ։

 

Հետագա համագործակցության հիմքերն առավել ամրապնդվեցին հոկտեմբերի 26-ին Ստամբուլում կայացած մասնագիտական քննարկման արդյունքում, որին մասնակցեցին ինչպես Մուշում ուսումնասիրության փորձագետները, այնպես էլ Եվրասիա համագործակցություն հիմնադրամի (Հայաստան), Անադոլու Քյուլթյուրի (Թուրքիա), Մշակութային ժառանգության պաշտպանության ընկերության (Թուրքիա) և Հայ ճարտարապետների ու ճարտարագետների ընկերության-ՀԱՅՃԱՐ (Թուրքիա) ներկայացուցիչները։

 

Ուսումնասիրության արդյունքները կտպագրվեն Անկարայում Նորվեգիայի դեսպանատան աջակցությամբ և զեկույցի տեսքով կնարկայացվեն հանրությանը առաջիկա մի քանի ամիսների ընթացքում: 

Օրացույց
Մարտ
2024
ԵՐԿԵՐՔՉՈՐՀՆԳՈՒՐՇԱԲԿԻՐ
Գրականությունը հաղթահարում է սահմանը
Սոցիալական կայքեր