Սիվիլիթաս հիմնադրամը իր նպաստն է բերում տարածաշրջանում խաղաղության և կայունության հաստատմանը՝ խթանելով հետևողական, բաց և անաչառ բանավեճը՝ օգտվելով մշակութային, կրթական և քաղաքական երկխոսության և ժամանակակից տեխնոլոգիաների հնարավորություններից: Հիմնադրամը նաև համախմբում է աշխարհասփյուռ հայության կարողություններն ու ներուժը: Նորարար գաղափարներ ու նախաձեռնություններ ստեղծելու և դրանք կյանքի կոչող մեխանիզմներին ու հաստատություններին օժանդակելու նպատակներն իրագործվում են հիմնադրամի չորս ծրագրային ուղղություններում՝ Ժողովրդավարություն և զարգացում, Մեդիա, Դեպի հարևանություն և Ոլորտային քաղաքականության վերլուծություններ:

Եվրասիա համագործակցություն հիմնադրամն (ԵՀՀ) իր գործունեության ավելի քան տասնութ տարիների ընթացքում կուտակել է ծրագրերի արդյունավետ իրականացման, դրամաշնորհային ծրագրերի կառավարման և Հայաստանի քաղաքացիական հասարակության հետ համագործակցության զգալի փորձ։

ԵՀՀ-ի ծառայությունների հեղինակային փաթեթը թույլ է տալիս նրան բնորոշել որպես «մտագործող» («think and do tank») կառույց, որը մշակում և իրականացնում է ռազմավարություններ, միավորում է ցանցեր և կոնսորցիումներ, աշխատում է քաղաքացիական կառույցների կարողությունների հզորացման, քաղաքական հետազոտությունների և շահերի պաշտպանության, այլըտրանքային բովանդակություն ստեղծելու և միջսահմանային հակամարտությունների կարգավորման ուղղություններով։

ԵՀՀ-ի առանցքային ռեսուրսներից մեկը բարձրակարգ մասնագետներից և կամավորներից կազմված աշխատակազմն է։ ԵՀՀ-ի վերջին տարիների լավագույն փորձը ներառում է երիտասարդների ակտիվացում և հզորացում, մարդու հիմնարար իրավունքների և ազատությունների, ինչպես օրինակ`տեղեկատվության և արտահայտման ազատության խթանում, անկախ լրատվության և սկսնակ լրագրողների գործունեության օժանդակում, փաստահեն (փաստերի վրա հիմնված) հետազոտությունների և հանրային իրազեկման (շահերի պաշտպանության) կազմակերպում, ինչպես նաև` ծրագրերի իրականացում եվրոպական ինտեգրման և կրոնական հանդուրժողականության, կոռուպցիայի դեմ պայքարի, հայ-թուրքական և հայ-ադրբեջանական հակամարտությունների միջսահմանային կարգավորման ուղղություններով:

ԵՀՀ-ի միջսահմանային ծրագրերի նպատակն է աջակցել տարածաշրջանում կայունության և անվտանգության հաստատմանը` համախոհ անհատների և քաղաքացիական հասարակության կառույցների միջև համագործակցություն և երկխոսություն հաստատելու միջոցով ։ Այս աշխատանքներում ընդգրկված են լրատվամիջոցների, մասնավոր սեկտորի, գիտակրթական ոլորտի ներկայացուցիչներ և հանրային դիվանագիտությամբ զբաղվող հասարակական գործիչներ:

Հանրային լրագրության ակումբը (ՀԼԱ) ստեղծվել է 2011-ի մարտին` միավորելով լրագրողների, սոցիալական մեդիայի փորձագետների, նոր տեխնոլոգիաների ու մեդիա ոլորտների համագործակցության ջատագովների:

ՀԼԱ առաքելությունն է խթանել խոսքի ազատությունը, բազմազանությունը և բազմակարծությունը Հայաստանում`զարգացնելով մասնակցային և հանրային թղթակցությունն ու ստեղծելով քաղաքացիական թղթակիցներին, պրոֆեսիոնալ լրագրողներին, ԶԼՄներին ու սոցիալական մեդիայի, տեղեկատվական տեխնոլոգիաների եւ հասարակական այլ ոլորտների մասնագետներին կապող համագործակցության գրավիչ կամուրջներ:

Իր կարճ գործունեության ընթացքում ՀԼԱ-ին հաջողվել է ձևավորել ոլորտի առաջատարի համբավ` հաջողությամբ իրականացնելով մի քանի նորարար ու համարձակ նախագծեր, այդ թվում է mynews.am հանրային թղթակցության հարթակը եւ ՀԼԱ կողմից Հայաստանում նախաձեռնած Հեքըթոն{ՅԱՆ} նորար գաղափարների մրցույթը:

ՀԼԱ մեկ այլ հաջողված նախագիծ է Մեդիա կենտրոնը, որի նպատակն է Հայաստանում գրագետ բանավեճային մշակույթի զարգացումը և քաղաքացիական, հասարակական, պետական և միջազգային հատվածների գործակցային հաղորդակցության ձևավորմումնը ու տարածումը:

Համադրելով մասնագիտական բարձր որակը ստեղծագործականության, ինքնազարգացման և ճկունության հետ` ՀԼԱ թիմն իր աշխատանքը կառուցում է ժողովրդավարական արժեքների և սկզբունքների շուրջ:

Տարածաշրջանային Հետազոտությունների Կենտրոնը (ՏՀԿ) անկախ, շահույթ չհետապնդող հետազոտական կենտրոն է, որն առաջարկում է լայնամասշտաբ ռազմավարական վերլուծություններ և անկողմնակալ հետազոտություններ, ինչպես նաև իրականացնում է մի շարք կրթական և քաղաքականության հետ առնչվող ծրագրեր:

Որպես Հայաստանում առաջատար հետազոտական կենտրոն` ՏՀԿ-ն իրականացնում է հետազոտություններ և վերլուծություններ, ինչպես նաև զարգացնում է քաղաքական նախաձեռնություններ` ուղղված քաղաքական և տնտեսական բարեփոխումների խթանմանը և Հարավային Կովկասում հակամարտությունների կարգավորմանը: ՏՀԿ-ն ձգտում է նախաձեռնել քաղաքական քննարկումներ և խթանել քաղաքացիական ակտիվությունը` միաժամանակ ընդլայնելով հասարակության ներգրավվածությունը հասարակական-քաղաքական գործընթացում: ՏՀԿ-ն համագործակցում է որոշումների ընդունման գործընթացում մասնակցություն ունեցող մի շարք դերակատարների հետ, ներառյալ քաղաքացիական հասարակությունը, միջազգային կազմակերպությունները, մասնավոր հատվածը, համալսարանները և պետական կառույցները:

ՏՀԿ-ի երկարաժամկետ հիմնական նպատակներից մեկն է ծառայել որպես կայուն զարգացման և բարեփոխումների խթան` աջակցելով հասարակական քաղաքականության ձևավորմանը նորարարական և անկողմնակալ ռազմավարական հետազոտությունների և վերլուծությունների միջոցով:

«Անադոլու Քյուլթյուր» շահույթ չհետապնդող մշակութային կազմակերպությունը հիմնադրվել է 2002 թվականին, երբ արվեստի աշխարհի տարբեր բնագավառները ներկայացնող անհատներ, գործարար հատվածի և քաղաքացիական հասարակության կազմակերպությունների ներկայացուցիչներ միավորվեցին, որպեսզի աջակցեն մշակույթի և արվեստի խթանմանը և տարածմանը Թուրքիայի տարբեր քաղաքներում ու արտերկրում:

Ներկայում, Անադոլու Քյուլթյուրը շարունակում է իր գործունեությունն առաջնորդվելով այն համոզմամբ, որ մշակութային համագործակցությունը և գեղագիտական փորձառնության փոխանակումը կնպաստեն փոխըմբռնման ու երկխոսության զարգացմանը, տարածաշրջանային տարբերությունների ու նախապաշարմունքների հաղթահարմանը և, որ ավելի ընդարձակ մշակութային կյանքը կառաջացնի այնպիսի թեմաների և հասկացությունների շուրջ քննարկումներ կազմակերպելու անհրաժեշտություն, ինչպիսիք են` քաղաքացիություն, ինքնություն և պատկանելիություն:

Անադոլու Քյուլթյուրի տեսլականն է նպաստել այնպիսի հասարակության կայացմանը, որին հաջողվել է ձերբազատվել նախապաշարմունքներից, որը սնուցվում և հարստացվում է տարբերությունների միջոցով և, որտեղ մշակութային բազմազանությունն ընկալվում է ոչ թե որպես հակամարտության աղբյուր, այլ որպես հարստություն: Անադոլու Քյուլթյուր կազմակերպության նպատակն է կառուցել համագործացկության «կամուրջներ» տարբեր էթնիկ, կրոնական և տարածաշրջանային խմբերի միջև` մշակույթի և արվեստի փոխանակման, տարածաշրջանային նախաձեռնությունների աջակցության, մշակութային բազմազանության ու մշակութային իրավունքների կարևորման, ինչպես նաև միջտարածաշրջանային համագործակցության համախմբման միջոցով:

Թուրքիայի տնտեսական քաղաքականության հետազոտությունների հիմնադրամը (ՏԵՊԱՎ) անկողմնակալ, շահույթ չհետապնդող կազմակերպություն է, որը տեղակայված է Անկարայում (Թուրքիա): ՏԵՊԱՎ-ը հիմնադրվել է 2004 թվականին` որպես անկախ գիտահետազոտական ինստիտուտ, և հանդիսանում է տնտեսական քաղաքականություն մշակող Թուրքիայի ամեմախոշոր հաստատությունը, որտեղ աշխատում են տաղանդավոր գիտաշխատողներ և փորձագետներ:

ՏԵՊԱՎ-ի առաքելությունն է մշակել Թուրքիայի և շրջակա տարածաշրջանի հանրային և մասնավոր հատվածների զարգացմանը նպաստող նորարար քաղաքականության ռազմավարություններ: Միջառարկայական մեր մոտեցումը կենտրոնանում է մրցակցային գործարար միջավայրի ամրապնդման, Թուրքայում և շրջական տարածաշրջանում տարածաշրջանային զարգացման բարելավման, ինչպես նաև միջազգային տնտեսական ինտեգրման աջակցության վրա: ՏԵՊԱՎ-ի մոտեցումն է իրականացնել մեր առաքելությունը ծրագրի վրա հիմնված նորարությունների ներկայացման միջոցով` ընդհանուր նպատակի իրագործման համար համախմբելով տարբեր դերակատարներին և փորձագետներին: Մենք խթանում ենք հիմնական դերակատարների միջև գիտելիքների և փորձի փոխանակումը` քաղաքականության կարևոր մարտահրավերների շուրջ հանրային քննարկումների շրջանակն ընդլայնելու նպատակով:

ՏԵՊԱՎ-ը հիմնվում է իր աշխատակազմի արհեստավարժության և վերլուծական կարողությունների վրա` տրամադրելով քաղաքականությանն առնչվող հիմնավորված առաջարկություններ ՏԵՊԱՎ-ի պետական և մասնավոր հատվածների հաճախորդներին:

ՏԵՊԱՎ-ն աշխատում է համախմբել տեղական դերակատարներին, գործարար հատվածի առաջնորդներին և քաղաքականություն իրականացնող հիմնական կառույցներին` նրանց աշխատանքներում ինտեգրելով հանրության լայն շերտերի ջանքերը և առաջարկելով բարդ խնդիրների առաջադեմ ու նորարար լուծումներ: ՏԵՊԱՎ-ը հաջողությամբ միավորել է քաղաքականության վերլուծության և պլանավորման իր կարողություններն ազգային մակարդակով` ձևավորելով խնդիրների լուծման և միկրո (տարածաշրջանային/տեղական) մակարդակում միջոցառումների մշակման նոր կարողություն: Ակնկալվում է, որ մակրո- և միկրո վերլուծությունների այս միասնությունը կբացի Թուրքիայում մրցակցային հարցերի մասին մտորելու միանգամայն նոր ուղղություն և կօգնի, որպեսզի ՏԵՊԱՎ-ը յուրահատուկ դիրք զբաղեցնի քաղաքականության շուրջ քննարկումներում:

Հելսինկյան քաղաքացիական ասամբլեան (ՀՔԱ) հասարական կազմակերպություն է, որի գործունեությունը կենտրոնանում է այնպիսի հասկացությունների շուրջ, ինչպիսիք են` հիմնարար իրավունքներ և ազատություններ, խաղաղություն, ժողովրդավարություն և բազմակարծիքություն: ՀՔԱ-ն գործում է քաղաքական կուսակցություններից, կառավարությունից և պետական կառույցներից անկախ և հետապնդում է հետևյալ նպատակները.

* Ներկայացնել միջազգային համաձայնագրերով վավերացված և համընդհանուր նորմերով ամրագրված մարդու հիմնական իրավունքներն ու ազատությունները ամենօրյա կյանքում.

* Խթանել խնդիրների խաղաղ կարգավորման գործընթացները` փոխըմբռնման, երկխոսության և խաղաղ ընթացակարգերի միջոցով.

* Նպաստել բազմակարծիք ժողովրդավարական կառույցների և քաղաքացիական հասարակության նախաձեռնությունների բարելավմանը.

* Աջակցել օրենքի գերակայության հաստատմանը և պաշտպանել այնպիսի տնտեսական համակարգի ձևավորմանը, որն ապահովում է մարդու բարեկեցությունը և շրջակա միջավայրի պահպանությունը:

ՀՔԱ-ն առաջնորդվում է այն հիմնական համոզմունքով, որ քաղաքացիները պետք է անմիջական մասնակցություն ունենան այն գործողություններում և որոշումներում, որոնք ուղղակիորեն ազդում են նրանց կյանքի և կենսագործունեության վրա: Կազմակերպությունը հատուկ ուշադրություն է դարձնում հանդիպման վայր ստեղծելու հնարավորություններին, որտեղ տարբեր կողմերը կարող են քննարկել իրենց խնդիրները և առաջարկել սոցիալական խնդիրների կարգավորման լուծումներ: ՀՔԱ-ն փորձում է ստեղծել կապի, երկխոսության և փոխըմբռնման հաստատման շղթա, որը հանգեցնում է համագործակցության և խաղաղ համագոյակցության:

Հրանտ Դինք հիմնադրամը հիմնվել է 2007թ. hունվարի 19-ին իր Ագոս թերթի դիմաց Հրանտ Դինքի սպանությունից հետո, որպեսզի նման ցավերը չկրկնվեն և որպեսզի Հրանտ Դինքի ժառանգությունը, նրա լեզուն և նրա սիրտը, և ավելի ազատ ու արդար աշխարհ տեսնելու նրա երազանքները շարունակություն ունենան:
Ժողովրդավարություն և հավասար իրավունքներ բոլորի համար` անկախ նրանց էթնիկ, կրոնական, մշակութային պատկանելության կամ սեռի – սա է հիմնադրամի գլխավոր սկզբունքը:
Հիմնադրամն աշխատում է այնպիսի Թուրքիայի և աշխարհի համար, որտեղ արտահայտվելու ազատությունը սահմաններ չունի, որտեղ բոլոր տարբերությունները թույլատրելի են, գնահատվում են և բազմապատկվում, և որտեղ ներկա օրվա և անցյալի վերաբերյալ մեր հայացքներում գերակշռում է խիղճը: Հրանտ Դինք հիմնադրամում “մենք ապրում ենք հանուն” այնպիսի ապագայի, որտեղ իշխում են մշակութային երկխոսությունը, խաղաղությունը և կարեկցանքը:

Հիմնադրամը ջանում է բարելավել մարդու և փոքրամասնությունների իրավունքները, նպաստել Թուրքիայի ժողովրդականացման գործընթացին և խթանել դրացիական հարաբերությունները Թուրքիայի և Հայաստանի միջև:

Մարդու իրավունքները և ժողովրդավարացումը, պատմությունը, Թուրքիա-Հայաստան հարաբերությունները, կրթությունը, մշակույթն ու արվեստը հանդիսանում են հիմնադրամի գործունեության հիմնական ծրագրային ուղղությունները:

Ի հավելումն մեր ծրագրային ուղղությունների` ամեն տարի մենք կազմակերպում ենք Միջազգային Հրանտ Դինք մրցանակաբաշխությունը, պահպանում ենք տարբեր արխիվներ և հրատարակում ենք գրքեր` Հրանտ Դինք հիմնադրամի հրատարակչության ներքո:

Մեր ծրագրերի վերաբերյալ մանրամասներ կարող եք գտնել 2013թ. տարեկան հաշվետվության մեջ` հետևյալ հղման տակ.
http://hrantdink.org/picture_library/2013FR.pdf